İkinci Qarabağ müharibəsinin ikinci ili ilə bağlı bir-çox yerlərdə anım günü keçirilib.

Bunlardan biri də, Milli Məclisin Kəlbəcər rayonundan olan deputatı Aqil Məmmədovun qatıldığı ilk şəhidimiz olan Atayev Nicat Habil oğlunun anım mərasimidir.
Dalidag.az xəbər verir ki, ilk öncə Fəxri xiyaban ziyarət edilib, şəhidlərin ruhuna dualar oxunub. Bunun ardından şəhidin ailəsinin yaşadığı Mehdiabad qəsəbəsi Gənclər şəhərciyində toplaşaraq şəhidimiz yad ediblər.
Mərasimdə şəhidin ailə üzvüləri ilə yanaşı, Kəlbəcər rayonun İcra Hakimiyyətinin birinci müavini Eldəniz Mehdiyev və aparatın digər əməkdaşları, Fizuli rayonunun 1 nömrəli məktəbin müəllim və şagird kollektivi də iştirak edib.
Millət vəkili A.Məmmədov 27 sentyabrın Azərbaycan üçün necə əhəmiyyətli olduğundan və bu şanlı tariximizin başlanğıcı olduğunu söyləyib. Dövlətimizin hər daim şəhid ailələri və qazilərin yanında olduğunu, onlara hər zaman dəstək olduqlarını bildirib. Şəhidimiz ailəsinə baş sağlığı diliyərək, şəhidimizin həyatından bəhs eləyib. Nicatın qəhramancasına şəhidlik zirvəsinə ucaldığını söyləyib.
A.Məmmədov alınan torpağlara ən qısa zamanda qayıdışın başlaması üçün bütün proseslər dayanmadan davam etdiyini bildirib.