Pelosi İrəvana niyə gəldi və özü ilə nə "gətirdi"?

18-09-2022 10:14
Pelosi İrəvana niyə gəldi və özü ilə nə
ABŞ Nümayəndələr Palatasının sədri Nensi Pelosinin Ermənistana səfərinin bir neçə səbəbi var. 
Dalidag.az xəbər verir ki, bu barədə ReAL İH üzvü Natiq Cəfərli qeyd edib.
 
O, səbəbləri bu cür sıralayıb:
 
1) ABŞ-da noyabr ayında seçkilərdir, Demokratlar Partiyasının reytinqi çox aşağıdır, erməni əsilli təmsilçi Anna Eşu və Ceki Spieri yanına alıb İrəvana gəlməklə səs qazanmağı düşünür - Demokratlar Partiyası üçün hər səs önəmlidir, çünki Respublikaçılar qalib gəlsə, Nensi nənə tək kreslosundan olmayacaq, həm də son 2 ildə Demokratların etdiklərinə görə bütün "demokratlar elitası" cavab verməyə məcbur olacaq;
 
2) Nensi xanım səfəri ilə deyir ki, Nikola dəyməyin, bizim uşaqdır, Ermənistan kimi ölkələrdə (elə bizdə də) hakimiyyət üçün ABŞ-ın istəyinin əsas faktor olduğunu düşünən siyasi elita və cəmiyyət var və belə dəstək cəmiyyətdə “dəstək alana” etimadı artırır,
 
3) ABŞ, Qərb Ermənistanı Rusiyadan ayırmağı sürətləndirir, çünki Cənubi Qafqazda Rusiyaya həm faktiki, həm də hüquqi (KTMT, Gömrük İttifaqı, Kremlin hərbi bazaları) ən sıx və çox bağlı ölkə məhz Ermənistandır. Gürcüstan və Azərbaycan iqtisadi və siyasi olaraq daha çox Qərbə bağlıdırlar,
 
4) ABŞ (Qərb) Rusiya ətrafında çəmbəri daraldır, burada ən zəif halqa Ermənistandır, çünki həm Gürcüstanda, həm Azərbaycanda hər sahədə Türkiyə var, Ermənistan mütləq Rusiyadan qaçmalıdırsa, bunun da yolu məhz Türkiyədir, Azərbaycanla normal münasibətlərdir.
 
Bu səfər Azərbaycanla ABŞ (Qərb) arasında müəyyən ritorik problemlər yarada bilər, ümid edirəm ki, Nensi nənə səhv addımlarla Çinlə Rusiyanı yaxınlaşdırdığı kimi, rəsmi Bakını da Qərblə münasibətlərdən soyutmaz - yəni, məntiqlə ABŞ bunu istəməməlidir.
 
Əgər bu səfər Kremlin Ermənistana qəzəbini artıracaqsa, olsun, bu qəzəbin bizim üçün dividentə çevrilməsi yolları da mövcuddur.
 
Amma qlobal olaraq Ermənistanın Rusiya təsirindən çıxmasına mane olmamalıyıq, bu bizə xeyirdir, çünki Kremldən aralanan yol Anadoludan keçir”.


Kateqoriya: Sosium
Tarix: 18-09-2022 10:14
Baxış sayı: 327
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını