“Ukraynanı heç zaman Ermənistanla eyniləşdirmək olmaz. Dövlət olaraq dünyada baş verən proseslərdə oynadığı rola, strateji baxımdan yerləşmə mövqeyinə görə, Ukraynanı heç zaman Ermənistanla eyniləşdirmək olmaz. Azərbaycan 44 günlük müharibədən sonra əsrlər boyu maraqların toqquşduğu regionumuzu artıq maraqların uzlaşdığı bir regiona çevirib. 3+3 formatında əməkdaşlıq təklif etmişik və əsas dövlətlər prosesdə iştirakda maraqlıdır. 

Bakı və Ankaranın İrəvanla münasibətlərinin normallaşmayacağı təqdirdə yeni konfliktin alovlanması və onun daha qlobal səviyyəli qarşıdurmaya gətirib çıxaracağı ehtimalı inandırıcı səslənmir. 

Daha qlobal səviyyəli qarşıdurma, Rusiya, İran, ABŞ və Qərbin prosesə müdaxiləsi demək olacaq. Bakının Rusiya ilə münasibəti qonşuluq, bərabər əməkdaşlıq və tərəfdaşlıq şəraitində inkişaf edir. İranla münasibətlərimiz də göstərir ki, bu münasibətlər nə qədər həssas olsa da, Ermənistanın təsir edə biləcəyi münasibətlər deyil. Bakının ABŞ və Avropa İttifaqı ilə münasibətləri də göstərir ki, bu istiqamətdə də əlaqələr normal məcradadır. Ona görə də qlobal səviyyədə münaqişənin yaranacağı barədə ortalıqda heç bir əsas yoxdur”. 

Ekspert qeyd edir ki, Ukrayna münaqişəsi əksinə, Cənubi Qafqazı daha əhəmiyyətli regiona çevirib:

“Mərkəzi Asiyanın karbohidrogen resursları, Xəzərdəki neft-qaz məhsulunun dünya bazarına çıxması, Zəngəzur dəhlizinin açılması baxımından regionumuzda növbəti münaqişənin alovlanmasında heç bir dövlət maraqlı deyil. Əksinə, onların sülhün bərqərar olmasında maraqlıdırlar. Yeganə maraqlı olacaq qüvə İrəvan ola bilər. Amma onun da gücü buna çatmır. İrəvanın ATƏT-in Minsk qrupunu, status məsələsini, Dağlıq Qarabağ ifadəsini gündəmə gətirmək cəhdləri də iflasa uğrayıb”. 

X. Bəşirov bildirir ki, müharibə olsa da belə bu, Ermənistanın öz ərazisində baş verəcək və Azərbaycanın öz tarixi ərazilərini də bərpa etməsilə nəticələnəcək.(Bizim.Media)