Həbib Misirov Dövlətimizin şəhid ailələrinə göstərdiyi diqqət və qayğıdan danışdı və hər zaman dövlətin şəhid ailələrinin yanında olduğunu bildirdi. Qeyd etdi ki, Ali Baş Komandanın rəhbərliyi altında müzəffər Azərbaycan Ordusu doğma torpaqlarımızı işğaldan azad etdi və bu gün artıq həmin ərazilərdə abadlıq-quruculuq işləri aparılır.

Vilayət Rüstəmovun 1943-cü ildə Kəlbəcər rayonunun Təkəqaya kəndində anadan olub. Könüllü olaraq 1989-cu ildə Çərəkdar kəndinin  müdafiəsinə qoşulub. 1991-ci ildə yaranan 701 saylı hərbi hissənin tərkibində döyüşüb. 1992-ci ildə Ağdaban döyüşlərində iştirak edib. 1993-cü il mart ayının 27-də Çərəkdar kəndinə Ağdərə istiqamətindən ermənilər həm havadan, həm də qurudan hucuma keçir.  Vilayət Rüstəmov bu hücumun qarşısını alaraq Uzuntala adlanan istiqamətdə son gülləsinə, son damla qanına qədər qəhrəmancasına döyüşərək düşmənin atdığı sinaper gülləsindən şəhid olur.

44 günlük vətən müharibəsində həm ön cəbhədə, həm arxa cəbhədə fəal xidmət etmiş şəhidin oğlu Azərbaycan Respublikası Şəhid Ailələrinə “Qayğı” Cəmiyyətinin Göyçay rayon Şöbəsinin sədiri Eldəniz Rüstəmov çıxış edərək ölkə rəhbəri, Silahlı Qüvvələrin Ali Baş Komandanı müzəffər İlham Əliyevə şəhid ailələrinə, qazilərə və müharibə veteranlarına göstərilən diqqət və qayğıya görə minnətdarlığını bildirdi.

Uca Allah dövlətimizi qorusun! Şəhidlərimizin ruhu şad olsun! 

Allah Şəhidlərimizin doğmalarına səbr versin!