Yeni Azərbaycan Partiyası Kəlbəcər rayon təşkilatının növbəti yeni ərazi partiya təşkilatları təsis edilib.
Bu münasibətlə keçirilmiş təsis iclaslarında çıxış edən YAP Kəlbəcər rayon təşkilatının sədri Həbib Misirov qeyd etdi ki, Yeni Azərbaycan Partiyası zəngin və şərəfli inkişaf yoluna malikdir. Səmərəli fəaliyyətin və yüksək siyasi nüfuzun qanunauyğun nəticəsi kimi ümumxalq partiyasına çevrilən, 800 minə yaxın üzvü olan YAP bu müddət ərzində ölkədə keçirilən prezident, parlament və bələdiyyə seçkilərində inamlı qələbələr qazanıb. Ulu Öndər Heydər Əliyev hər zaman fəxr edəcəyimiz, qürur hissi ilə xatırlayacağımız dahi şəxsiyyət və böyük dövlət xadimidir. O, Azərbaycan xalqı və dövlətçiliyi üçün misilsiz xidmətlər görmüş tarixi şəxsiyyət olmaqla yanaşı, həm də tarixi yaradan şəxsiyyətdir. 
Azərbaycanın son 30 ildən artıq bir dövrü- xalqın ictimai-siyasi, iqtisadi və mədəni həyatının bütün sahələrində qazanılan uğurlar məhz onun adı ilə bağlıdır. Heydər Əliyev respublikamıza rəhbərlik etdiyi bu dövr ərzində daim tərəqqisi üçün çalışdığı, zəngin mədəniyyəti, böyük tarixi keçmişi ilə həmişə qürur duyduğu və gələcək nəsillərin taleyi üçün düşündüyü doğma yurdu olan Azərbaycanı bir dövlət kimi zamanın ağır və sərt sınaqlarından çıxarıb. Bu dahi şəxsiyyətin xalqı qarşısında daha bir müstəsna xidməti İlham Əliyev kimi oğul yetişdirməsi, özündən sonra layiqli varis qoymasıdır. Yeni əsrin lideri olan Prezident İlham Əliyev Azərbaycana bacarıqla rəhbərlik edir, praqmatik siyasəti ilə ölkəmizi irəli aparır. Xalqımız bundan sonra da bu dahi şəxsiyyəti daim minnətdarlıq hissi ilə xatırlayacaq, onun əziz xatirəsi qəlblərimizdə yaşayacaq. Nə qədər Azərbaycan var, nə qədər bu millət var, Heydər Əliyev də var olacaq, yaşayacaq.
Çıxış edənlərdən Gəncə şəhərində fəaliyyət göstərən Kəlbəcər rayon 7 saylı tam orta məktəbin direktoru Fazil Əhmədov, Gəncə şəhəri Avtozavod ərazisində faəliyyət göstərən Kəlbəcər rayon 98 saylı tam orta məktəbin direktoru Cəmşid Əlbəndov, Gəncə şəhəri Gülçülük qəsəbəsində fəaliyyət göstərən Kəlbəcər rayon 55 nömərli tam orta məktəbin direktoru Səməd Nadirov, Gəncə şəhər 12 saylı məktəbdə fəaliyyət göstərən B.Cəfərov adına Kəlbəcər 1 saylı tam orta məktəbin direktoru Nazim Qafarov, Gəncə şəhərində fəaliyyət göstərən Kəlbəcər rayon 109 nömrəli tam orta məktəbin direktoru İradə Baxışova  və digərləri bildiriblər ki, Azərbaycan xalqının ümummilli lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşmüşdür. 
Bu gün həm müstəqillik dövrünün, həm də çoxəsrlik tarixinin zirvə hadisələrinə şahidlik edən qədirbilən Azərbaycan xalqı bütün bu reallıqları, Ümummilli Lider Heydər Əliyevin misilsiz xidmətlərini olduqca yüksək qiymətləndirir, müdrik dövlət xadiminin əziz xatirəsini böyük minnətdarlıqla, sonsuz ehtiramla yad edir.Yeni Azərbaycan Partiyasının tarixi müstəqil Azərbaycan dövlətinin inkişaf salnaməsidir. Çünki müasir, müstəqil Azərbaycanın tərəqqisi, möhtəşəm tarixi nailiyyətlər qazanaraq qüdrətli dövlətə çevrilməsi Ümummilli Lider Heydər Əliyevin ideyaları əsasında və Prezident İlham Əliyevin rəhbərliyi ilə fəaliyyət göstərən Yeni Azərbaycan Partiyası ilə bilavasitə bağlıdır. 
Çıxışlardan sonra cari məsələlərə baxılıb. 
Yeni Azərbaycan Partiyası Kəlbəcər rayon təşkilatının Gəncə şəhərində fəaliyyət göstərən Kəlbəcər rayon 7 saylı tam orta məktəb, Gəncə şəhəri Avtozavod ərazisində faəliyyət göstərən Kəlbəcər rayon 98 saylı tam orta məktəb, Gəncə şəhəri Gülçülük qəsəbəsində fəaliyyət göstərən Kəlbəcər rayon 55 nömərli tam orta məktəb, Gəncə şəhər 12 saylı məktəbdə fəaliyyət göstərən B.Cəfərov adına Kəlbəcər 1 saylı tam orta məktəb,, Gəncə şəhərində fəaliyyət göstərən Kəlbəcər rayon 109 nömrəli tam orta məktəb ünvanları üzrə partiya fəallarının müraciətləri əsasında yeni ərazi partiya təşkilatları təsis edilib.
Fazil Əhmədov “Kəlbəcər rayon 7 saylı tam orta məktəb”, Cəmşid Əlbəndov “Kəlbəcər rayon 98 saylı tam orta məktəb”, Səməd Nadirov “Kəlbəcər rayon 55 nömərli tam orta məktəb”, Nazim Qafarov “Kəlbəcər 1 saylı tam orta məktəb”, İradə Baxışova “Kəlbəcər rayon 109 nömrəli tam orta məktəb”,  ərazi partiya təşkilatlarına sədr seçiliblər.
Ərazi partiya təşkilatının yeni seçilmiş sədirləri göstərilmiş etimada görə təşəkkürlərini bildiriblər.

Dalidag.az