Reklam
Rövşən Rzayev Avropa İttifaqının Azərbaycandakı nümayəndəsi ilə görüşüb
17-11-2021 12:21
Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Avropa İttifaqının Azərbaycanda yeni təyin olunmuş nümayəndəsi Peter Mixalko ilə görüşüb.
Dalidag.az-ın məlumatına görə, Peter Mixalkonu ölkəmizdə yeni və vacib vəzifədə fəaliyyətə başlaması münasibətilə təbrik edən Dövlət Komitəsinin sədri ona işlərində uğurlar arzulayıb.
Prezident İlham Əliyevin rəhbərliyi ilə ölkəmizdə qaçqın və məcburi köçkünlərlə iş sahəsində həyata keçirilən dövlət siyasətinin əsas istiqamətləri haqqında qonağa məlumat verilib. Qeyd edilib ki, onların sosial problemlərinin həllinə daim xüsusi diqqət yetirilir. Birinci vitse-prezident xanım Mehriban Əliyevanın bu kateqoriyadan olan vətəndaşlara həssas və qayğıkeş münasibət göstərdiyi vurğulanıb.
Bildirilib ki, məcburi köçkünlərin mütləq əksəriyyəti ötən il işğaldan azad edilmiş ərazilərə - öz daimi yaşayış yerlərinə qayıtmaq istəyir. Könüllülük prinsipi ilə həyata keçiriləcək qayıdış prosesi həmin ərazilərdə təhlükəsizlik və laqyiqli həyat şəraiti təmin edildikdən sonra başlanacaq. Prezidentin tapşırıqlarına əsasən, hazırda dövlət qurumları bununla bağlı məsələləri həll etmək məqsədilə əlaqəli fəaliyyət göstərirlər.
Görüşdə qaçqınlıq və məcburi köçkünlüklə bağlı məsələlərin həllində beynəlxalq təcrübənin müxtəlif aspektləri, bunların ölkəmizdə tətbiqi imkanları barəsində fikir mübadiləsi aparılıb.
Avropa İttifaqının Azərbaycandakı nümayəndəliyinin rəhbəri Peter Mixalko səmimi qəbula görə təşəkkür edib. O, Azərbaycan vətəndaşlarının 30 ilə yaxın müddətdə qaçqın və məcburi köçkün kimi yaşamağa məcbur olmasından təəssüf hissi keçirdiyini bildirib. Peter Mixalko qeyd edib ki, qaçqın və məcburi köçkünlərin tezliklə, təhlükəsiz, könüllü və ləyaqətli formada doğma yurdlarına qayıdacağına inanır.
Görüşdə qarşılıqlı maraq doğuran məsələlər müzakirə olunub.
Dalidag.az
Kateqoriya: Sosium
Tarix: 17-11-2021 12:21
Baxış sayı: 3154
Yazı axını
19 / 04 / 2024
18 / 04 / 2024
18 / 04 / 2024
18 / 04 / 2024
18 / 04 / 2024
17 / 04 / 2024
17 / 04 / 2024
16 / 04 / 2024
15 / 04 / 2024
15 / 04 / 2024
15 / 04 / 2024
14 / 04 / 2024
13 / 04 / 2024
12 / 04 / 2024
12 / 04 / 2024
12 / 04 / 2024
10 / 04 / 2024
09 / 04 / 2024
09 / 04 / 2024
09 / 04 / 2024
09 / 04 / 2024
08 / 04 / 2024
08 / 04 / 2024
08 / 04 / 2024
08 / 04 / 2024
Ən çox oxunanlar