Samuxda şəhid Daşqın Şəfiyevin il mərasimi keçirildi -Şəkil

06-11-2021 16:33

2020-ci il sentyabrın 27-də düşmənin törətdiyi təxribata qarşı əks-hücumla başlanan 44 Günlük Vətən Müharibəsində şəhid olan  Şəfiyev Daşqın Hidayət oğlunun şəhadətə yüksəlməsinin ildönümü qeyd olunub.

Dalidag.az-ın xəbərinə görə, şəhidin il dönümündə Kəlbəcər Rayon İcra Hakimiyyətinin başçısı Azər Qovcayev, Samux rayon İcra Hakimiyyətinin başçısı Alı Qocayev, Kəlbəcər RİH məsul şəxsləri, hüquq-mühafizə orqanlarının rəhbərləri, idarə və müəssisə rəhbərləri, rayon ictimaiyyəti iştirak edib. 
Mərasim iştirakçıları tərəfindən ilk öncə Samux rayon Seyidlər kəndində şəhidin məzarı ziyarət olunub, əziz xatirəsi böyük ehtiramla yad  edilib, məzarı önünə gül dəstələri düzülərək ruhuna dualar oxunub.
Daha sonra şəhidin ailə üzvləri ziyarət olunub, onların qayğıları ilə maraqlanılıb. Anım mərasimində Kəlbəcər rayon İcra Hakimiyyətinin başçısı Azər Qocayev bütün Kəlbəcərlilər adından şəhid Şəfiyev Daşqın Hidayət oğlunun ailəsinə və yaxınlarına dərin hüznlə başsağlığı verib.
Şəhidimizin ailə üzvləri dövlət tərəfindən göstərilən diqqət və qayğıya görə Ali Baş Komandan İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiribər.
Şəhid Şəfiyev Daşqın Hidayət oğlu 22 avqust 1989-cu ildə anadan olub. 
27 sentyabr 2020-ci il tarixdən etibarən başlayan, Azərbaycan Ordusunun apardığı əks hücum əməliyyatlarına könüllü olaraq qatılıb. Torpaqlarımızın azadlığı uğrunda gedən döyüşlərdə Qubadlı və Laçın istiqamətində gedən döyüşlərdə böyük şücaət göstərib. 05 noyabr 2020-ci il tarixdə Laçın istiqamətində gedən döyüşlərdə qəhrəmancasına şəhid olub. Subay idi. 06 noyabr 2020-ci il tarixdə Samux rayon Seyidlər kəndində dəfn edilib. 
 Azərbaycan Respublikasının Prezidenti cənab İlham Əliyevin 15 dekabr 2020-ci il tarixli Sərəncamına əsasən ölümündən sonra “Vətən uğrunda” və  "Qubadlının azad olunmasına görə" medalları ilə, 05 noyabr 2021-ci il tarixli Sərəncamına əsasən 3-cü dərəcəli “Vətənə xidmətə görə” ordeni ilə təltif edilib. 
Mərasimdə bütün şəhidlərin ruhuna dualar oxunub, xatirələri ehtiramla anılıb.
Allahdan bütün şəhidlərimizə rəhmət, qazilərimizə can sağlığı diləyirik.

Dalidag.az



Kateqoriya: Sosium
Tarix: 06-11-2021 16:33
Baxış sayı: 3330
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını