Silahlı Qüvvələrin Ali Baş Komandanı, Prezident İlham Əliyevin tapşırığına uyğun olaraq, Baş nazir Əli Əsədov Azərbaycanın ərazi bütövlüyü uğrunda həlak olmuş Vətən müharibəsi qəhrəmanlarının adlarının əbədiləşdirilməsi barədə müvafiq qərar imzalayıb.
 
Dalidag.az xəbər verir ki, qərara əsasən, Azərbaycanın ərazi bütövlüyü uğrunda həlak olmuş Vətən müharibəsi qəhrəmanlarının və Azərbaycanın Milli qəhrəmanlarının adlarının əbədiləşdirilməsini təmin etmək məqsədilə Respublikanın müxtəlif şəhər və rayonlarındakı 37 məktəb və liseyə Azərbaycanın Milli Qəhrəmanı və Vətən Müharibəsi Qəhrəmanlarının adları verilib.
Adı əbədiləşdirilənlər arasında əslən Kəlbəcərdən olan Vətən Müharibəsi Qəhrəmanı Anar Vaqif oğlu Əliyev də var. Onun adı Kəlbəcər rayonu 2 nömrəli tam orta məktəbə verilib.
Məktəb müvəqqəti olaraq Gəncə şəhəri, Gülüstan qəsəbəsində yerləşir.
Ruhu şad olsun!


Dalidag.az