Bakı Dövlət Universiteti də, xalqımız kimi, Azərbaycanın ərazi bütövlüyü uğrunda canlarından keçmiş  Vətən şəhidlərinin xatirəsini və adını uca tutur, onların yaxınlarına, doğmalarına, ailə üzvlərinə diqqət və qayğı göstərir.  Universitetin rəhbərliyi şəhid ailələri və qazilərlə vaxtaşırı görüşlər keçirir, onların qayğıları və problemləri ilə maraqlanır.
BDU-nun rektoru Elçin Babayev və ali təhsil müəssisəsinin əməkdaşları bu günlərdə daha bir tədbir keçirib: Beynəlxalq münasibətlər və iqtisadiyyat fakültəsinin məzunu, Vətən Müharibənin ilk günlərində düşmənlə döyüşə atılaraq, 2020-ci ilin oktabr ayının 1-də Murovdağ istiqamətində şəhid olmuş Şamil Nəcəfovun ailəsini ziyarət edib. Rektor BDU kollektivinin şəhid məzun Şamil Nəcəfovun xatirəsinin daim əziz tutulduğunu vurğulayıb, onun Vətən uğrunda qəhrəmancasına vuruşaraq şəhidlik zirvəsinə ucalmasından qürur duyduqlarını bildirib. 
Ziyarətdə şəhidin istər tələbəlik illərində, istərsə də keçdiyi qısa, lakin şərəfli döyüş yollarından ətraflı söz açılıb. Şəhid məzununu ali təhsil haqqında diplomu onun anasına təqdim edilib.
Şəhidin valideynləri öz xatirələrini bölüşüb, Vətənə laqyiq övlad kimi böyütdükləri üçün onunla fəxr etdiklərini bildiriblər.
Daha sonra şəhidin məzarı birlikdə ziyarət edilib.

BDU-nun ictimaiyyətlə əlaqələr 
və informasiya şöbəsi
Dalidag.az