Rəsmi İrəvan Rusiyanın Ermənistan-Azərbaycan sərhədindəki vəziyyətin nizamlanması ilə bağlı təkliflərini özü üçün məqbul hesab edir.
Dalidag.az xəbər verir ki, "TASS"-ın məlumatına görə, bunu Ermənistanın baş nazirinin müavini vəzifəsini icra edən Mqer Qriqoryan deyib.
 
"Ermənistan-Azərbaycan sərhədindəki vəziyyətin nizamlanması ilə bağlı Rusiyanın təklifləri Ermənistan üçün məqbuldur. Ermənistan tərəfi mayın 19-u mövqeyini rusiyalı həmkarlarına yazılı şəkildə təqdim edib" - M.Qriqoryan bildirib.
 Xatırladaq ki, Rusiya xarici işlər naziri Sergey Lavrov Tacikistan xarici işlər naziri Sirociddin Muhriddin ilə keçirdiyi mətbuat konfransında Rusiyanın Azərbaycanla Ermənistan arasındakı sərhədin demarkasiyası üçün birgə komissiyanın yaradılmasını təklif etdiyini bildirmişdi.