Sübhi Kazımov: "Azad olunmuş ərazilərdə məhkəmə və ədliyyə strukturlarının fəaliyyəti bərpa olunur"

25-01-2021 17:00

Ədliyyə Nazirliyi tərəfindən işğaladan azad olunmuş ərazilərdə müvafiq xidmətlərin təşkil olunması məqsədi ilə işlər görünməkdədir.
Dalidag.az xəbər verir ki, bu barədə Qarabağ Regional ədliyyə idarəsinin rəisi vəzifəsini icra edən Sübhi Kazımov məlumat verib.

2020-ci ilin yekunlarına həsr olunmuş videokonfransda çıxış edən S.Kazımovun sözlərinə görə, ədliyyə orqanlarına əlçatanlığın təmini məqsədilə işlər görülür:

"Ölkə başçısının Fərmanı ilə əlaqədar işğal olunmuş ərazilərlə bağlı müvafiq addımlar atılır. Ədliyyə nazirinin əmri ilə 12 noyabrda Ədliyyə Nazirliyinin Qarabağ Regional Ədliyyə İdarəsi yaradıldı. Artıq həmin ərazilərdə məhkəmə və ədliyyə strukturlarının fəaliyyətinin təmin edilməsi üçün iş aparılır".

S.KAzımov qeyd edib ki, Ermənistan silahlı qüvvələrinin Azərbaycana qarşı törətdiyi müharibə cinayətləri ilə bağlı Ədliyyə Nazirliyi tərəfindən 70-ə yaxın ölkənin ədliyyə nazirinə, prokuroruna və çoxsaylı beynəlxalq təşkilatlara müraciət edilib:

"Müraciətlərdə erməni terrorçularını törətdiyi qeyri-insani əməllər, xüsusilə Cenevrə Konvensiyasının müddəalarının pozulması dünya ictimaiyyətinin diqqətinə çatdırılıb. Bu əməlləri törədənlərin cəzalandırılmasının vacibliyi də vurğulanıb".

Dalidag.az


Kateqoriya: Sosium
Tarix: 25-01-2021 17:00
Baxış sayı: 3238
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını