Dalidag.az xəbər verir ki, 21.01.2021-ci il tarixdə saat 18:00-18:30 radələrində Kəlbəcər şəhər sakini, Kərimova Gülnarə Əli qızına məxsus, Gəncə şəhəri, Gülüstan qəsəbəsi Azərbaycan  Dövlət  Aqrar  Universitetinin 6 saylı yataqxanasının ətrafında yerləşən ümumi sahəsi 50 kvadrat metr olan birmərtəbəli, iki otaqlı fərdi yaşayış evi qaz sızması nəticəsində içərisində olan ev əşyaları ilə birlikdə yanmışdır. Xoşbəxtlikdən hadisə zamanı xəsarət alan olmamışdır.

Bu gün Kəlbəcər rayon İcra Hakimiyyətinin başçısı Azər Qocayev hadisə yerinə gələrək yanğından zərər çəkmiş Gülnarə Kərimova ilə görüşüb. G.Kərimovaya  mövcud problemlərinin həllində səlahiyyətləri çərçivəsində yardım göstərəcəyini  bildirilib. Gülnarə Kərimova onunla görüşə gələn və dərdinə şərik çıxan rayon rəhbərinə göstərdiyi qayğı və diqqətə görə təşəkkür edib.

Hal-hazırda hadisə yerində Fövqəladə Hallar Nazirliyinin əməkdaşları tərəfindən ev sahibinə dəymiş  zərərin miqdarı araşdırılır.