Türk hərbçilərinin Azərbaycanda olmasının özü dövlətlərarası münasibətlərin səviyyəsinin göstəricisi və qürur mənbəyidir.
Dalidag.az xəbər verir ki, bu sözləri Türkiyə Prezidenti Rəcəb Tayyib Ərdoğan deyib.
Hərbçilərə müraciət edən Ərdoğan atəşkəs rejiminin izlənməsi missiyasında uğurlar arzulayıb və Qarabağla bağlı Birgə Mərkəzin öz işinə tezliklə başlayacağına ümidvar olduğunu bildirib.
Ərdoğan qeyd edib ki, Azərbaycan Prezident İlham Əliyevin rəhbərliyi altında 44 gündə tarixi qələbə qazanıb:
“Azərbaycan Ordusunu Dağlıq Qarabağ və ona bitişik bölgələrin erməni işğalından azad olunması münasibətilə bir daha təbrik etmək istəyirəm. Türkiyə sakinləri Azərbaycanın qələbəsinə azərbaycanlıların özləri qədər sevinir”.
Ərdoğan, həmçinin çıxışı zamanı erməni hərbçilərə Qarabağda atəşkəsi pozmaq cəhdlərini dərhal dayandırmağı tövsiyə edib: “Bu, səhv bir yoldur!”
Dövlət başçısı vurğulayıb ki, Türkiyə bütün beynəlxalq platformalarda Azərbaycanı dəstəkləməyə davam edir:
“Türk hərbçiləri dünyanın bir çox ölkəsində onlara verilən bütün vəzifələri yerinə yetirirlər - Somalidən Kosovaya, Əfqanıstandan Qətərə, Suriyadan Liviyaya. Dünyadakı sülh və sabitliyə töhfə verən hərbçilərimizə uğurlar arzulayıram”.axar.az
Dalidag.az