Ölkəmizdə voleybolun daha da inkişaf etməsi, xüsusilə Qarabağda kütləviləşməsi istiqamətində işlərə tezliklə start veriləcək.
Dalidag.az xəbər verir ki, bu barədə Federasiyanın mətbuat xidmətindən məlumat verilib.
Bildirilib ki, bununla bağlı qurumun prezidenti Cavid Qurbanov tapşırıq verib. Voleybolun ölkəmizdə daha da populyarlaşması üçün xüsusi layihələr hazırlanmasının vacibliyini qeyd edən C.Qurbanov hədəfin hər zamankı kimi qələbə olduğunu vurğulayıb. Qarabağın işğaldan azad edilmiş ərazilərində kütləviliyə xüsusi diqqət yetiriləcəyi də diqqətə çatdırılıb.

Qeyd edək ki, hal-hazırda mövcud pandemiya ilə əlaqədar ölkəmizdə karantin elan edildiyindən idman yarışları, məşqlər keçirilmir.

Dalidag.az