Xəbər verdiyimiz kimi dünən Rusiya Federasiyasının Prezidenti Vladimir Putin “Rossiya-24” telekanalına müsahibəsində Qarabağ məsələsinə toxunub. Söhbət zamanı Rusiya rəhbəri:“Beynəlxalq hüquqa görə, Qarabağ Azərbaycanın ayrılmaz hissəsidir" fikrini dilə gətirib.
Dalidag.az xəbər verir ki, ictimai-siyasi xadim, professor Şahlar Əsgərov Rusiya prezidentinin fikrini belə dəyərləndirib:
"200 il öncə “Qarabağ düyününü” vuran ölkənin bugünkü başçısi Vladimir Putin:"Qarabağ həmişə Azərbaycanın ayrılmaz hissəsi olub”- dedi. Bu “Qarabağ düyünü”-nün açılması deməkdir. Düyünü vuran, düyünü özü açdı. Xalqımızı təbrik edirəm! Ali Baş Komandanımızı təbrik edirəm! Cənab Preziden, inanıram kı, Siz deyəni bütün dünya təkrar edəcək və "Qarabağ Azərbaycandır!" deyəcək", - deyə professor fikrini tamamlayıb.

Dalidag.az