Düşməni vahiməyə salan generalımız - Video

10-11-2020 21:53
Vətən müharibəsində adını qızıl hərflərlə tarixə yazan qəhrəmanlarımızdan biri də general-leytenant Hikmət Mirzəyevdir.
Dalidag.az xəbər verir ki, Xüsusi Təyinatlı Qüvvələrin komandanı Hikmət İzzət oğlu Mirzəyev Biləsuvar rayonunda doğulub. 2016-cı ilin Aprel müharibəsi zamanı və 2020-ci ildə Dağlıq Qarabağda aparılan hərbi əməliyyatların rəhbərlərindəndir.
Hikmət Mirzəyev müasir hərb tariximizin ən önəmli simalarından biridir. O, Ümummilli lider Heydər Əliyevin Prezident olduğu illərdə polkovnik-leytenant hərbi rütbəsini daşıyıb. Ona polkovnik rütbəsini də məhz Heydər Əliyev təqdim edib. Hikmət Mirzəyev 19 yanvar 2002-ci ildə Ulu öndər Heydər Əliyevin imzaladığı Sərəncamla general-mayor ali hərbi rütbəsinə layiq görülüb.
2020-ci il 27 sentyabr tarixində Qarabağ uğrunda savaşın növbəti mərhələsi başlayandan Hikmət Mirzəyev artıq Cəbrayıl və Şuşa şəhərinin işğalçılardan azad edilməsi uğrunda əməliyyatlara başçılıq edib.
Təsadüfi deyil ki, Prezident Cəbrayıl və Şuşa şəhərinin işğalçılardan azad edilməsindən dərhal sonra Hikmət Mirzəyev zəng edərək, təbrik etdi. Hətta Cəbrayıl şəhəri və rayonun 9 kəndinin azad edilməsi əməliyyatında iştirakından sonra Prezidentin Sərəncamı ilə ona general-leytenant ali hərbi rütbəsi verildi.
Xüsusi Təyinatlı Qüvvələrin (XTQ) komandanı Hikmət Mirzəyevin və səlahiyyətindəki hərbi birliyin Qarabağda aparılan bir sıra misilsiz əməliyyatlarda ən öndə yer aldığı, düşmənə çoxsaylı sarsıdıcı zərbələr endirdiyi bildirilir. Hikmət Mirzəyev və XTQ Ermənistan ordusunda daim vahimə ilə xatırlanır. Bu, erməni KİV-ində, eləcə də beynəlxalq mediada son əməliyyatlarla bağlı yayılmış materiallarda da aydın görünür.axar.az

Dalidag.az



Kateqoriya: Sosium
Tarix: 10-11-2020 21:53
Baxış sayı: 4270
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını