Dalidag.az xəbər verir ki, bu barədə “Demokratik Birlik partiyasının rəhbəri” Suren Petrosyan Facebook-da canlı yayımda bildirib. O əlavə edib ki, Zabuxda vətəndaşların sayı prosesin məntiqini və mahiyyətini dəyişməyə kifayət etmir.
“Son günlər belə görünür ki, Laçın, Sus və Zabux icmalarının taleyinin nəhayət həll olunduğu barədə fikir formalaşıb. Bir daha tam məsuliyyətimlə bəyan edirəm ki, hazırda bu icmaların taleyi həll olunmayıb. Amma ağrı ilə qeyd etməliyəm ki, son günlər rastlaşdıqlarıma əsasən, Zabuxun sistemli şəkildə təhvil verildiyi qənaətinə gəlirəm. Söhbət Zabuxun adi sakinlərindən getmir, mən daha yüksək siyasi səviyyəliləri nəzərdə tuturam”, – deyə o bildirib.
Petrosyan bunun şəxsiyyət uğrunda mübarizə olduğunu deyib.
“Laçın dəhlizinin təhvil verilməsinə qarşı çıxan siyasi qüvvələr müraciətlər və qınaqlarla kifayətlənib, heç bir tədbir görülməyib. Sizcə, siyasət yalnız müraciətlərlə məhdudlaşır? Nə vaxt görmüsünüz ki, çağırışlarla dövləti, dövlətçiliyi, torpağı saxlamaq olar?
Vaxt var və Zabuxda 300-500 nəfər olarsa, prosesi geri qaytarmaq mümkün olacaq”, – deyə Petrosyan çərənləyib./konkret.az