“Avqustun 20-nə qədər əmlakımızı kənddən tam çıxartmaq imkanı əldə etməliyik”. 
Dalidag.az-ın məlumatına görə, Laçın rayonunun Zabux kəndindəki erməni icmasının qondarma rəhbəri Andranik Çavuşyan “24 News” telekanalına açıqlamasında belə deyib. 
“Hamı qalmaq istəyir, amma bu mümkün deyil. Çünki avqustun 20-də səhər işıq, rabitə kəsiləcək, su da olmaya bilər, çoxlu problemlərlə üzləşirik. İndi birinci vacib məsələ sakinlərin dinc yolla kənddən köçürülməsidir”, -deyə Çavuşyan bildirib. 
Onun sözlərinə görə, Zabuxdan çıxan ermənilər üç istiqamətə - Qarabağa, Zəngəzura və İrəvan ətrafına a yola düşürlər və köçərkən problemlərlə üzləşirlər. Bütün bu problemlər isə öz həllini tapmalıdır. 
“Biz insanlara kömək etməliyik, indi insanların köməyinə ehtiyacımız var ki, sakinlər əşyalarını köçürsünlər və onları yandırmağa məcbur olmasınlar. İnsanlar əmlakını əlinə alır və hara aparacağını bilmir. İrəvanda sərfəli qiymətə mənzil tapa bilmirlər. Mən hər şeyi deyə bilmərəm. Bircə onu deyə bilərəm ki, avqustun 25-dək hamının – fəhlələrin və sairənin ərazini tərk etməyə vaxtı olmalıdır ki, sonradan problemlə üzləşməsin”./cebhe.info

Dalidag.az