Laçındakı 200 erməninin hara köçəcəyi AÇIQLANDI

10-08-2022 17:34
Laçın rayonunun Zabux kəndindəki qanunsuz erməni icmasının rəhbəri Andranik Çavuşyan “Hraparak” qəzetinə müsahibəsində hazırkı vəziyyətdən danışıb.

Dalidag.az xəbər verir ki, Andranik Çavuşyan avqustun 25-nə kimi erməni “sakinlər”in boşaldacağı kənddə təxliyyə işlərilə məşğul olduqlarını söyləyib.
 
“Sakinlər”in hələ ki kəndi tərk etmədiklərini deyən icma sədrinin sözlərinə görə, artıq məktəbi boşaltmaq üçün onlara maşın ayırıb.

Kənddən köçəcək hər adam üçün 40 min dram təzminat ödəniləcəyi məsələsindən danışan Andranik Çavuşyan deyib:

“Həmin pul sertifikat məsələsi həll olunana qədər icarə əsasında veriləcək. İrəvana köçənlərə şəhadətnamə verilməlidir ki, 10 milyon dram ekvivalentində pul xərcləsinlər”.

Kəndin 200-dən çox sakini - 54 ailə olduğunu deyən icma sədri onlardan neçəsinin Qarabağa, neçəsinin isə Ermənistana köçəcəyinə aydınlıq gətirib:

“54 ailədən yalnız 7-si “Artsax”da (Qarabağda-red.) qalacaq, qalanları müxtəlif istiqamətlərdə Ermənistana köçəcək, İrəvana, Sünikə və s”.
 
Qarabağda qalmaq istəyən həmin 7 ailənin harada yaşayacağına gəlincə A.Çuvaşyan “hələ bəlli deyil, sabah o işlərlə məşğul olacağıq, yəqin ki, tikilməkdə olan evlərin məsələsi həll olunana qədər müvəqqəti olaraq qonaq evlərində yaşayacaqlar” deyib.

Özünə gəlincə, A.Çuvaşyan Xankəndidə yaşayacağını vurğulayıb.

İcma sədri onu da deyib ki, Zabuxu tərk edəcək ermənilərin indiyə kimi yaşadıqları evləri yandıracağına inanmır./modern.az

Dalidag.az


Kateqoriya: Qarabağ
Tarix: 10-08-2022 17:34
Baxış sayı: 3144
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını