Qarabağda müvəqqəti yerləşən Rusiya sülhməramlı kontingentinin sayının artmasına dair əlimizdə heç bir real 
sübut və material yoxdur. Əksinə onların bir neçəsinin Ukraynada əsir götürülməsi və ya həlak olmasına dair görüntülər mövcuddur".
Dalidag.az xəbər verir ki, bunu milli.az-a açıqlamasında hərbi ekspert Ədalət Verdiyev deyib.
O bildirib ki, Azərbaycan birgə bəyanatın şərtlərinin yerinə yetirilməsi barədə öhdəliklərindən imtina edə bilər:
"Gələn ilin yazına qədər Rusiya sülhməramlı olduqları kimi fəaliyyətlərini davam etdirəcəklər. Yəqin ki, gələn ilin yazından sonra yeni çəkilmiş Laçın-Xankəndi yolundan onlar köçürüldükdən sonra Laçın ərazisindən həm erməni silahlıları, həm də rus sülhməramlıları çəkiləcəklər. 
Amma onların gələcək fəaliyyətinə gəldikdə isə hazırda Rusiya sülhməramlılarının davranışları imkan vermir ki, biz onların sonrakı 5 il üçün də burada qalmasınna görə razılıq verək. 
Biz prosesləri yaxından izləməliyik. Hazırda orada baş verənlər və Lavrovun da bəyanatları göstərdi ki, burada Azərbaycanın maraqlarına uyğun olmayan, birgə bəyanatın şərtlərinə tamamilə zidd fəaliyyətlər müzakirə mövzusudur. Qarabağda erməni silahlılarının çıxarılmaması üçün Rusiyanı maraqlı tərəf kimi müşahidə edirik. Halbuki bu,
onların sülhməramlı statusuna tamamilə ziddir. 
Rusiya sülhməramlıları və erməni tərəfi üzərinə götürdükləri öhdəlikləri tam yerinə yetirmədiklərinə görə Azərbaycan da birgə bəyanatın şərtlərinin yerinə yetirilməsi barədə öhdəliklərindən imtina edə bilər".

Dalidag.az