Milyondan çox azərbaycanlı və erməni Böyük Vətən müharibəsində faşizmə qarşı vuruşub.
Dalidag.az xəbər verir ki, bunu Qarabağdakı Rusiya sülhməramlı kontingenti mərkəzinin müavini, polkovnik Dmitri Perepelkin deyib.
“Azərbaycan və Ermənistanın qələbəyə verdiyi töhfələri xatırlatmaq istəyirəm. Milyondan çox azərbaycanlı və erməni Böyük Vətən müharibəsində faşizmə qarşı vuruşub, onların yarısı döyüş meydanında həlak olub. Onlardan iki yüz mindən çoxu orden və medallarla təltif edilib, iki yüzə yaxın Sovet İttifaqı Qəhrəmanı adına layiq görülüb”, - Perepelkin bildirib.
Perepelkinin sözlərinə görə, mayın 9-da Qarabağdakı Rusiya sülhməramlı kontingentinin bölmələrində Böyük Vətən müharibəsindəki Qələbəyə həsr olunmuş şəxsi heyətin təntənəli düzülüşü keçiriləcək.
Bundan başqa mayın 9-da sülhməramlılar Böyük Vətən müharibəsi veteranlarına kömək məqsədilə bir sıra humanitar aksiyalar da keçirəcəklər./axar.az

Dalidag.az