Dərbənddə yazıb-yaradan yazıçı-dramaturq, şair-tərcüməçi Fəxrəddin Oruc Qəribsəsin yeni kitabı işıq üzü görüb.
Dalidag.az bildirir ki, bu barədə müəllif özü məlumat verib. Kitab "Sirdaş gecələr" adlanır.

Qeyd edək ki, Fəxrəddin Oruc Qəribsəs Rusiya Yazıçılar və Jurnalistlər İttifaqlarının, eyni zamanda, Azərbaycan Yazıçılar Birliyinin üzvüdür. On beşə yaxın kitab müəllifidir, xeyli sayda tərcümələri var. Müəllif doğma azərbaycan türkcəsindən başqa rus, tat və ləzgi dillərini də bilir. Dağıstan-Azərbaycan ədəbi, mədəni əlaqələrinin yaranmasında və möhkəmlənməsində böyük rolu olan F.Qəribsəs Dağıstan Respublikası Yazıçılar İttifaqı Azərbaycan bölməsinin sədridir.

Dalidag.az olaraq, dəyərli ziyalımızı yeni kitabının çap olunması münasibəti ilə təbrik edir və yeni yaradıcılıq uğurları arzulayırıq.

Sevinc Qərib