"...Haqlıyıq, haqqın səsin,
dünya duymaq istəmir!
Ədalət axtarışında,
Haqqa uymak istəmir!.."

Dalidag.az Hüseyn Mirzənin şeirini təqdim edir

Bizə birlik gərəkdir!

Yüz illərdi rayrıyıq, 
O taylı, butaylıyıq,
Bölünmüşük elbəel, 
Bölünmüşük ilbəil!
“Haralısan” sualı
Salamdan qabaq gəlir!
El kəndə, kənd komaya
Sanki sığacaq gəlir.
Bü təfəkkür, düşüncə
Sıxacaq bizi küncə!
Vaxtında silkələnib,
Tez ayılmaq gərəkdir,
Toplum, camaat deyil,
Millət olmaq gərəkdir!

Yurdbizim, Vətən bizim,
Həm bütöv, həm tən bizim!
Bəs arada bu çəpər, 
hasar nəyə gərəkdir!
“Qardaş-qonşumuz – evi
basar”-nəyə gərəkdir!

On illərdir bu yurdu
Yağılar yağmalayır.
Tarixin pozur, silir,
iziylə damğalayır.
Haqlıyıq, haqqın səsin,
dünya duymaq istəmir!
Ədalət axtarışında,
Haqqa uymak istəmir!

Təklənmişik, yalqızıq,
Kimsədən bir haray yox!
Nə olsun ki, dərdimiz
deyilməyən saray yox!
Daha bəsdi siyasət,
İndi fərasət gərək! 
Qəsbkarı bu yurdda
Edək ərasət gərək!
Vətənoğlu, bünunçün
Bizdə ərlik gərəkdir, 
Hər şey Vətənçün deyə,
Səfərbərlik gərəkdir!

Hüseyn Mirzə
Dalidag.az