"...mən kiməm hər adam bilməz,
mən olan bilir mən kiməm"

Dalidag.az Paşa Talıblının şeirlərini təqdim edir:

 ***
...Qərib göyün ölüsüyəm,
qərib quşların dirisi.
Rəngi həm solğun...və rəngsiz
həm sarıköynək sarısı.

...cam istədim, mey istədim,
mən naləmə ney istədim.
...istədim,çox şey istədim—
məndə ürəyin irisi!  

...sərxoşam nə sərxoş kimi,
bihudə...nə bihuş kimi.
...mən yalnızam qurd-quş kimi—
böylə, mən böylə birisi.

***
...Gecənin məhrəm üzünə
gün olan bilir mən kiməm.
...baxdığı güzgülər göynən
tən olan bilir mən kiməm.

...biləndə göy enib...gedən,
əyninə geyinib gedən,
özündən geniyib gedən-
gen olan bilir mən kiməm.

...bilməyənlər atam, bilməz!
Fəryadam mən, dadam...bilməz.
...mən kiməm hər adam bilməz,
mən olan bilir mən kiməm.

Paşa Talıblı
Rusiya,Volqoqrad şəhəri
Dalidag.az