"Əlindən gələni səkkiz qaba çək, sənin də ipini buraxdım, dünya!"- Famil Müseyibov

14-02-2021 13:50
Çoxlarının dil tapdığı bu "ipək-mələk" dünyayla nədəndirsə Famil Müseyibov dil tapa bilmir. Günah hansındadı, deyə bilməyəcəyik. Özü-sözü bir dünya olan F.Müseyibovun minbir dona girən dünyayla yola gedə bilməməsi, həqiqətin yalanla barışmazlığı kimidi. Dünya da az aşın duzu deyil. İpinin üstünə odun yığmaq olmayan gidi dünyayla dostluq- doğmalıq məcaz daşıyır.

Dalidag.az Famil Müseyibovun dünyaya dediklərini oxuculara təqdim edir:

***
Sənin iç üzünü tanıyanadək, 
Bulandım, duruldum, çox axdım, dünya!
...Əlindən gələni səkkiz qaba çək-
Sənin də ipini buraxdım, dünya!!!!
    
Dərd dolu heybəmi atıb çiynimə, 
Mənim öz yolum var- qalxıb gedirəm.
Zatıqırıqlığın deyil eynimə-
Tüpürüb üzünə, çıxıb gedirəm!
     
Cöx qoydum səninlə çomaq-çomağa,
Sonadək savaşa bilmədim, dünya!!!
Əlində əyilib döndüm yumağa...
...Səninlə barışa bilmədim,dünya!!!
Mən sənə alışa bilmədim, dünya.. 
    
Famil MÜSEYİBOV
Dalidag.az


Kateqoriya: Poeziya-nəsr
Tarix: 14-02-2021 13:50
Baxış sayı: 373
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını