Gənc şair Eşqin Məmmədov Vətən müharibəsində şəhid olmuş dostu İlkin Abbasovun ürəyindən keçən son sözlərini şeirə çevirib.

Dalidag.az həmin şeiri təqdim edir:

BİR DAHA
Bəlkə mənə tanrı rəva bilmədi,
Dərəmmədim bu gülləri, bir daha.
Bu şeirin başqa cürdür qisməti,
Ovundurar könülləri, bir daha.

Həyat bir iblisdir, işi xatalı,
Ömrüm ötür tufanlarda bəlalı.
Doğmalarla, həm atalı, analı,
Çətin tapam o günləri, bir daha.

Hələ deyilməmiş neçə sözüm var,
Bir övlad axtaran qəmli gözüm var,
Hər daşda, cığırda kiçik izim var,
Ruhum gəzər o çölləri bir daha . 

Yağışda, günəşdə cürüyür budaq,
Köklərdi yaşayan torpaqda ancaq.
Həyat ağacından düşəndə yarpaq..
Yaşayarmı fəsilləri, bir daha?!

Borcun ödənməzdi, Ana bağışla!
Xatirə yazmışam bir qara daşda.
Bəzən büdrəyəndə, İlkin yapış da...                                                                                                                                    Tutarammı o əlləri, bir daha?!!                                                                                                                                     Eşqin Məmmədov
Dalidag.az