"Dəli Kür" filmi senzuranın "qurbanı" olub. 
Görkəmli yazıçı İsmayıl Şıxlının "Dəli Kür" əsərini çoxumuz oxumuşuq. Əsərin motivləri əsasında çəkilmiş eyni adlı filmin də az seyricisi yoxdu. Doğrudur, film əsərin "belini qırıb". Ancaq yenə də film baxımlı kinolar sırasındadır. O mənada ki, filmdə əsərin əsas süjet xətti itib, yazıçının çatdırmaq istədiyi həqiqətlər ört-basdır edilib. Sonralar məlum oldu ki, əslində film senzuranın "qurbanı" olub. Belə ki, filmin əsas süjeti - Cahandar ağanın öldürülməsi səhnəsi "bəyənilməyib" və başqa qondarma səhnə lentə alınaraq,  filmə əlavə olunub. Tarixi bir anı məişətə bağlayıb kiçiltmək... Hər sahədə olduğu kimi kinomuza da rus əli uzanıb. Tariximizi təhrif edərək bizim kimliyimizi unutdurmaq, əslində özlərinin qəsbkar olduğunu gizlətmək mahiyyəti daşıyır bu vicdansızca davranış. Təqdim etdiyimiz videoda məşhur "Dəli Kür" filminin sonluğunun ilk çəkiliş versiyası  öz əksini tapıb. Qeyd edək ki, ilkin versiyanın əldə olunmasına baxmayaraq hələ də ekranlarda film "təhrif" səhnəsi ilə göstərilir.
Sevinc Qərib
Dalidag.az