Laçın rayonunun Güləbird kənd sakini, şair Əlibala Ağayevin oğlu Səbuhi Ağazadə Şəki rayonunun İnçə kəndi ərazisində baş verən ağır avtomobil qəzasında həlak olub.
Hadisə Şəki-Qax avtomobil yolunda "Lada Priora" markalı nəqliyyat vasitəsinin idarəetmədən çıxaraq dərəyə aşması nəticəsində qeydə alınıb. Qəza zamanı avtomobildə olan 24 yaşlı Səbuhi Ağazadə aldığı ağır xəsarətlərdən hadisə yerində dünyasını dəyişib.
Nəqliyyatda olan digər 3 nəfər isə müxtəlif dərəcəli bədən xəsarətləri ilə Şəki Rayon Mərkəzi Xəstəxanasına yerləşdirilib.
Qeyd edək ki, Səbuhi Ağazadə bir il bundan öncə ailə qurmuşdu və bu yaxınlarda ilk övladı dünyaya gəlmişdi.
Dalidag.az kollektivi olaraq, dəyərli həmkarımız, dostumuz Əlibala Ağayevə və mərhumun bütün əzizlərinə dərin hüznlə başsağlığı verir, dərdlərinə şərik olduğumuzu bildiririk.
Allah rəhmət eləsin!