Bu gün Azərbaycanın Milli Qəhrəmanı, Birinci Qarabağ müharibəsi iştirakçısı Şahlàr Şükürovun şəhadətə qovuşduğu gündür. 

Dalidag.az xəbər verir ki, Ş.Şükürovun şəhidlik zirvəsinə ucalmasından otuz altı il ötür.

Şahlar daim döyüş bölgələrinə gedərək qaynar döyüşlərdə iştirak edərdi. O hər zaman torpaqlarımızın bütövlüyü uğrunda canını verməyə hazır idi. 1990-cı il iyul ayının 11-də Tərtər- Kəlbəcər yolunda erməni işğalçılarının hücumuna məruz qalan maşın karvanını xilas etməyə çalışan qəhrəmanımız burada son nəfəsinəcən vuruşdu və qəhrəmancasına həlak oldu.

Qəhrəman şəhidimiz öz doğma yurfunda- Kəlbəcər rayonunun Zülfüqarlı kəndində dəfn edilib.
Azərbaycan Respublikası Prezidentinin 8 oktyabr 1992-ci il tarixli 264 saylı fərmanı ilə Şahlar Şükürov ölümündən sonra "Azərbaycanın Mlli Qəhrəmanı" adına layiq görülüb.

Qeyd edək ki, Şahlar Əvəz oğlu Şükürov 17 may 1952-ci ildə Kəlbəcər rayonunun Zülfüqarlı kəndində anadan olub. Orta məktəbi bitirdikdən sonra Azərbaycan Xalq Təsərrüfatı İnstitutuna daxil olub. 1972-ci ildə təhsilini başa vurduqdan sonra hərbi xidmətə çağırılır. Ordudan tərxis edildikdən sonra Ucar rayonu Daxili İşlər Şöbəsində çalışıb. 1986-cı ildə Rostov Ali Polis Akademiyasını bitirib. Zərdab rayonunda rəis müavini vəzifəsində çalışıb. Şahlar rütbəcə mayor idi.

Ailəli idi, iki övladı yadigar qalıb.
Zərdab rayonunda adına küçə var. Buradakı məktəblərdən biri onun adını daşıyır.

Yəqin ki, indi şəhidimizin ruhu şaddır. Otuz ilə yaxın dağlarda  nigaran dolanan ruhu Azad Kəlbəcərin başı üstündə  rahatlığlna qovuşub artıq

Dalidag.az