Məlumat verdiyimiz kimi Kəlbəcərdə yanğın hadisəsi baş verib. Əsasən rayonun Qalaboynu, Qaraxançallı, Şahkərəm və Çovdar kəndləri ərazisində açıq örüş-otlaq sahələrində başlayan yanğının miqyası sürətlə böyüyür və artıq yanğın qonşu Laçın rayonunun ərazisinə də keçib. 
Dağlıq yerlərdə və meşələrdə baş verən yanğınlar ərazinin flora və faunasını məhv etməklə yanaşı, torpaq örtüyünü zədələyir, həmçinin su mənbələrinə də mənfi təsir göstərir. Fəsilə uyğun olaraq ot örtüyünün və yarpaqların quru olması yanğının daha da sürətlənməsinə səbəb olur.  Odur ki, müvafiq qurumlar səfərbər edilməli, müasir texnika və helikopterlər cəlb olunmalı, tezliklə yanğını ram etməlidilər.
Dalidag.az xəbər verir ki, şahidlərin bildirdiyinə görə, ərazilərdə yanğın hadisəsi 10-15 gün bundan öncə başlayıb.