Prezident İlham Əliyev Azərbaycan Respublikası Ali Məhkəməsi sədrinin müavininin və məhkəmə kollegiyaları sədrlərinin, apellyasiya məhkəmələrinin məhkəmə kollegiyaları sədrlərinin və bəzi birinci instansiya məhkəmələri sədrlərinin təyin edilməsi haqqında sərəncam imzalayıb.

Sərəncama əsasən, Namidar Əlöysət oğlu Misirzadə Şirvan Kommersiya Məhkəməsinin sədri təyin edilib.
         
Dalidag.az bildirir ki, Namidar Misirzadə 1980- ci ildə anadan olub, əslən Kəlbəcərin Çovdar kəndindəndir.

Bakı Dövlət Universiteti, Beynəlxalq hüquq fakültəsi (bakalavriat) və Hüquq fakültəsində (magistratura) təhsil alıb.

2002 - 2007- ci illərdə Bakı Şəhəri Yasamal Rayon Məhkəməsinin kuryeri, iclas katibi;

2007-ci ildə Bakı Şəhəri Səbail Rayon Məhkəməsinin iclas katibi;

2007 - 2008-ci illərdə Bakı Şəhəri Sabunçu Rayon Məhkəməsinin iclas katibi;

2008 - 2010-cu illərdə Bakı Apelyasiya Məhkəməsinin hakim köməkçisi;

2010 - 2013-cü illərdə "Bank VTB" ASC-nin hüquq idarəsinin aparıcı mütəxəssisi;

2013 - 2020-ci illərdə Bakı Şəhəri Xətai Rayon Məhkəməsinin hakimi kimi fəaliyyət göstərib;

2020-2025 ci illər Şirvan Kommersiya Məhkəməsinin sədri işləyib.

Prezidentin 06 may 2025-ci il tarixli Sərəncamı ilə Namidar Misirzadə yenidən Şirvan Kommersiya Məhkəməsinin sədri təyin edilib.

Dalidag.az ailəsi olaraq dəyərli həmyerlimizi təbrik edir və işlərində uğurlar arzulayırıq. 


                                      Namidar Misirzadə