Bu gün Atatürk Mərkəzində Milli Qəhrəmanımız Hökümə Əliyevanın ruhuna ithaf edilən "Demişdin yaxşı olacaq" kitabının təqdimatı keçirildi.
Dalidag.az xəbər verir ki, öncə şəhidlərin ruhu bir dəqiqəlik sükutla yad edildi. Tədbirin aparıcısı şair-publisist Mübariz Süleymanlı baş vermiş hadisəni (əslində terroru) bir daha xatırladaraq hər kəsi o günlərə qaytardı. Kitab barədə fikirlərini söylədi. Təqdimatda dəyərli qələm sahibləri - şairlər, jurnalistlərlə yanaşı Milli Qəhrəmanın yaxın qohumları, həyat yoldaşı və qəlbi Vətən eşqi ilə döyünən dostlar iştirak edirdi.

Əməkdar jurnalist Əlövsət Ağalarov, Namiq Dəlidağlı, Mahir Cavadlı, Rauf İlyasoğlu, Nazilə Gültac, Məqsəd Şiştəpəli, Nüyvər Şərifova, Aslan Əsədov, Püstə Hüseynova və oğlu Əli, ekipaj üzvləri Aydan Rəhimli, Zülfüqar Əsədov, Zümrüd Əlizadə, Ədalət Fətəli, İmam Cəmilli, Paşa Yaqub, Jalə Asiman, Xələf Xələfov, Möhüb Ağamalıyev, Şahin Qədir, Bəhruz Niftaliyev, Səxavət Seyidməmmədov, Hökümə xanımın həyat yoldaşı Etibar bəy, Solmaz Haqverdiyeva, XTQ üzvləri Salman Xudaverdiyev və silahdaşları çıxış edərək yeni çapdan çıxan kitabın tarixi əhəmiyyətindən söz açdılar, məlum terror hadisəsini törədənlərin layiqli cəza alacaqlarına inandıqlarını vurğuladılar. Natiqlər bu terroru dinc insanlara qarşı yönələn vəhşilik adlandırdılar. Hökümə xanımın həyat yoldaşı Etibar Əliyev kitabın tərtibçisi Ötərxan Eltaca, naşiri Əlövsət Ağalarova, digər əməyi keçənlərə və tədbir iştirakçılarına öz təşəkkürünü bildirdi.  
Kitabın tərtibçisi şair-publisist Ötərxan Eltac öz növbəsində toplunun araya-ərsəyə gəlməsində əməyi olanlara və tədbir iştirakçılarına minnətdarlığını çatdırdı.

Dalidag.az