Tətil günlərindən faydalanaraq diş həkiminə getməyi qərara aldım. Həkimə çatmışdım ki, arxadan bir səs məni çağırdı. Tanımadığım bir şəxs yaxınlaşıb, “Siz Kəlbəcərin millət vəkilisiniz” deyə müraciət etdi. Qısa, səmimi söhbətimiz zamanı məlum oldu ki, o, həm də kəlbəcərli bir həkimdir. Daha sonra illər ərzində ərsəyə gətirdiyi klinikası ilə məni tanış etdi.

Pərviz həkimi sonradan daha yaxından araşdırdıqca, onun təkcə ölkəmizdə deyil, həm də xaricdə Azərbaycanı uğurla təmsil edən tanınmış bir cərrah olduğunu öyrəndim. Onun gördüyü işlərlə yaxından tanış olmaq mənim üçün böyük qürur hissi yaşatdı. Bu paylaşımım reklam məqsədi daşımır.

Pərviz Aslanov ölkəmizdə və xaricdə kifayət qədər tanınan bir cərrahdır. Paylaşmaqda məqsədim odur ki, o, Kəlbəcərlidir və bilirəm ki, bu günə qədər çox insanın sağlamlığına töhfə verib. Təsadüfi olsa da, bu görüş mənim üçün çox dəyərli idi. Bundan sonra da Kəlbəcərin ziyalıları, öz sahəsində uğur qazanan insanları haqqında paylaşım etməyə davam edəcəyəm. Çünki Kəlbəcərin sözünü demək, kəlbəcərlilərin tanınmasına töhfə vermək mənim işimin bir parçasıdır", deyə deputat vurğulayıb.