Ənvər Rza öz layiqli qiymətini almamış şairlərdəndir. Onun 85 illik yubileyi qeyd olunmalıdır. Gəlin, böyük şairimizin yubileyinin keçirilməsi istiqamətində lazımi addımlar ataq.
Dalidag.az xəbər verir ki, bu təşəbbüslə şair Elşən Əzim çıxlş edib: 

"Bu gün görkəmli Azərbaycan şairi, tərcüməçi, filoloq alim Ənvər Rzanın anadan olmasının 85 -ci ili tamam olur. Ənvər Rza 70-80-ci illər poeziyasında özünəməxsus bədii-poetik xüsusiyyətləri ilə seçilən şair idi. Şeirlərindəki səmimiyyət, bədii yük, orjinallıq bir-birini tamamlayırdı. Onun şeirlərindəki təbiət təsvirləri bənzərsizdir. Sözlə yaratdığı  peyzajlar, portretlər poetik olmaqla bərabər həm də inandırıcıdır, təbiidir, diləyatımlıdır. Ənvə Raza bu dünyayla cavan yaşındaykən vidalaşsa da yaratdığı bədii nümunələr, Bayrondan, Şekspirdən etdiyi tərcümələr ədəbiyyatımızda yaşayacaq. 
Ənvər Rza öz layiqli qiymətini almamış şairlərdəndir. Onun 85 illik yubileyi qeyd olunmalıdır. Üzümü Kəlbəcər ictimaiyyətinə, ziyalılara tuturam, gəlin böyük şairimizin yubileyinin keçirilməsi istiqamətində lazimi addımlar ataq, müraciətlər edək. İlin əvvəlidir. İlin sonuna qədər yubiley ili hesab olunur", deyə o vurğulayıb. 

Dalidag.az olaraq bu təşəbbüsü dəstəkləyir, görkəmli Azərbaycan şairi Ənvər Rzanın 85 illik yubileyinin dövlət səviyyəsində keçiriləcəyinə inanırıq!

Nigar Nəriman
Dalidag.az