Bu günlərdə “Adiloğlu” nəşriyyatında daha bir tarixi əhəmiyyətli kitab çapdan buraxılıb. Uzun illər Kəlbəcərdə və Bakı şəhərində müxtəlif, xüsusən təhsil sa­hə­­sində rəhbər vəzifələrdə ça­lışan Əli Kazımovun ömür yollarında izi qa­lan xa­tirələr top­lusu işıq üzü görüb.

Dalidag.az xəbər verir ki, ötən əsrin 80-ci illərində Azərbaycanın ucqar rayonlarından olan Kəl­bə­cərdə təh­silə göstərilən diqqət və qayğının dolğun faktlarla öz əksini tap­mış kitab gə­ləcək nəsillərin Kəlbəcərin dünəni haq­qında mə­lu­mat alma­sında əsaslı mənbəədir və geniş oxucu auditoriyası üçün nəzərdə tutul­muşdur.

Kitabın məsləhətçisi və ön söz müəllifi  Azərbaycan Respublikası Ədliyyə Nazirliyinin məsul əməkdaşı Sübhi Kazımov, redaktoru yazıçı-publisist  Məhəmməd Nərimanoğludur.
Nəfis şəkildə yeni çapdan buraxılan kitabın mətnini kompüterdə yazanlar Nərgiz və Məhinbanu Kazımovalardır.
“Kəlbəcərli-Kəlbəcərsiz günlərimdən XATİRƏLƏR” sənədli publisistik kitabda müəllifin uzun illər Kəlbəcərdə sıravi müəllimlikdən başlayaraq, Kəlbəcər şəhər sovetinin sədri kimi məsul vəzifələrdə və eləcə də respublikanının paytaxtı Bakıda  təhsil sahəsində çalışdığı illərdə öz üzərinə düşən  vətənə xidmət və  vəzifə borcunun ləyaqətlə yerinə yetirilməsi əsaslı faktlarla öz əksini tapıb.


Dalidag.az olaraq dəyərli Əli müəllimi yeni kitabının işıq üzü görməsi münasibətilə təbrik edirik!