Respublikamızda, respublikamızın qaçqın-köçkün rayonlarında, xüsusi ilə Kəlbəcər rayonunun ərazisində tikinti-abadlıq, yenidənqurma işlərinin ildırım surətli  aparılmasına  görə Heydər Əliyev məktəbini keçmiş ixtisasca inşaatçı mühəndis və  zamanında  kəlbəcər  rayon rəhbərlərindən biri, Kəlbəcər həsrəti ilə günləri, saatları  sayan yaşlı nəslin nümayəndəsi kimi, görülən işlərdə  əməyi olan hər bir kəsə  öz dərin minnətdarlığımı, hörmət-ehtiramımı bildirirəm.  

   

  

İlahinin fırçasından çıxmış Kəlbəcər təbiətinin gözəlliyini acımadan dağıdan və bu təbiətdə dünyaya göz açmış təbii insanların əqidəsini, paklığını, özlərinəməxsus minilliklərdən üzübəri gətirdikləri  mədəniyyətlərini  avropa  dəyərləri ilə qoşalaşdıran "facebook" səhifəsində Rövşən Hüseynov adlı  azərbaycanlımızın "İstisuda, Kəlbəcərdə fantastik tikinti işləri " haqqında ingilis dilindən tərcümə edilmiş yazısını oxuduqdan sonra fikirlərimi  gecikmiş olan  bu yazımı yazmaqla   özümə vicdan borcu bilib səlahiyyətli Dövlət orqanları kimi Sizlərə ünvanlamağı vacib hesab etdim.

   

 Ən əvvəl Kəlbəcərin əsrarəngiz təbiətini imkan dairəsində qorumaq vacibdən vacib idi. Amma qorunmadı. İs görənlər bu nizamı pozdular. Belə ki, mövcud qiymətli  yerli materialların  dəyəri qiymətləndirilmədiyindən Kəlbəcər evlərinin fasadını bəzəyən min bir əziyyətlə cilalanmış erməni  vandallarının  viranə qoyduqları  evlərin mərmər qədər qiymətli daşları buldozerlərə verilərək  adi çınqıl, but daşları kimi yolların, meydançaların özülünə töküldü və  tökülməkdədi. Bu qiymətli materialın yerinə respublikanın uzaq regionlarından gətirilən məateriallar isə layihələrin qiymətinin artmasına, küllü miqdar valyuta sərfinə səbəb oldu və  olmaqdadı.

  

  İstisuda Sovetlər dönəmində olduğu kimi müalicə əhəmiyyətli sanatoriyaların tikilərək Həmkarlar Komitələri vasitəsi ilə xalqın istifadəsinə verilməsi ora üçün lahiyələşdirilmiş və tikilən 144 otaqlı barları, saunaları olan hotellərdən çox vacibdir.  Xalqımız "Fransızlar kef edirlər"məfumundan uzaq sağlamlıqları qayğısına qalmaqla gələcəyin hərtərəfli inkişaf etmiş  ruhu, əqidəsi gərəkli  əsgərini, vətənsevər gəncliyini, müxtəlif ixtisaslı  dünyəvi  alimini, cəmiyyətə bəxş etməlidir.   

 İnşaat işlərinin görülməsi elmi əsaslarla  icra olunmur. Elə bu səbəbdəndir ki, dövlət bu günədək  İstisu Mineral su doldurma zavodunun, Şorbulaq civə zavodunun, "Milli Daş Karxanasının" "Ağyataq" mərmər,  "Keçəldağ" perlit yataqlarının məhsullarının  gətirəcəyi   dəyərlərdən faydalana bilməmişdir.

   

 Qələbəmizin ötən üç il ərzində   Ekolagiya nazirliyi kəlbəcərin təbii ehtiyatlardan  rayonda aparılan tikinti -quruculuq  işlərində  yetərincən bir iş görməmişdir.."Alagöllər"  gölündə balıqçılığın inkişafı yada düşməmişdir. .  .      

  Respublika Avtomobil Yolları Depaetamentinin gördüyü işlər sevindirici olsa da onlar da təbiətin gözəlliyini yerli-yersiz dağıtmaqdadırlar.  Onların özbaşınalıqlarını isə dayandıran elə bir təşkilatsa hələlik görünmür.  

   Kəlbəcər rayon rəhbərliyinin  sakitcə durub  vəziyyəti  sakitcə seyr etməsi isə  dözülməzdir.