Ağcabədidə Kəlbəcərdən gələn çayın yatağında böyük miqdarda qızıl tapıldı - Kənd nəzarətə götürüldü

12-07-2022 23:11

 

Kənddə su quyusu qazılarkən qızıl aşkar edilib.

Dalidag.az xəbər verir ki, hadisə Ağcabədi rayonunun Hacılar kəndində baş verib.
Kənd sakinlərindən əldə etdiyimiz məlumata görə, kənddə su quyusu qazarkən, qəribə metal parçaları ilə qarşılaşıblar. Daha sonra məlum olub ki, həmin metal parçaları qızıldır. Kənd sakinləri bu barədə dövlətə məlumat veriblər.
Məlumata görə, uzun illər əvvəl həmin kəndin içərisindən Kəlbəcərdən gələn çay keçib. Kəndin ərazisi çökəkdə olduğu üçün dağdan gələn təbii qızıllar kənd ərazisində torpağa hopub. Hazırda kəndin giriş çıxışına polis postları qoyulub. Köhnə çay yatağında böyük miqdarda qızılın olduğu deyilir. Kənd sakinlərinin həyətindən çıxan qızılın dəyərinin 25 faizinin onlara veriləcəyi məlumatı verilib.
Qeyd edək ki, kəndə gedib, məsələni yerində araşdırmaq istədikdə, polis postlarından kəndə buraxılmadıq.


Kateqoriya: Manşet / Kəlbəcər
Tarix: 12-07-2022 23:11
Baxış sayı: 3368
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını