Kəlbəcərli şair Vaqif Səlimov dünyasını dəyişdi

16-06-2022 11:15

Səhərin gözü açılar-açılmaz daha bir acı xəbər ürəyimizin qapısını döydü. Tanınmış şair, səmimi insan, dəyərli həmyerlimiz Vaqif Səlimovun (Vaqif Hüseyinoğlu) ölüm xəbərini eşitdik. Duyğuların qanadında bu gidi dünyanı tərk etdi.

Dalidag.az bildirir ki, bu barədə şairin oğlu Əli məlumat verib: "Mənim əziz atam, mənim can atam,  sizin dəyərli dostunuz və şairiniz dünən rəhmətə getdi. Yazıram amma inana bilmirəm!", - deyərək qeyd edib.

Bildirib ki, yas mərasimi 18.06.2022 tarixdə Azadliq prospekti, 161A (qoşa "Zapravka" və Baku electronicsin yanı) ünvanında, saat 11:00-dan 17:00-a dək keçiriləcək

Ünvanla bağlı cətinlik yarandığı halda, qeyd olunan nömrə ilə əlaqə saxlaya bilərsiz - (0703209101 Əli).

Xatırladaq ki, Vaqif Hüseyin oğlu Səlimov 15 noyabr 1950-ci ildə Kəlbəcər rayonunun Quşyuvası kəndində anadan olub. Uzun illərdir ki,  Rusiya Federasiyasının Mineralnıye Vodı (Minvod) şəhərində yaşayırdı.

Dalidag.az olaraq dəyərli şairimiz  Vaqif Səlimovun vəfatı ilə bağlı ailəsinə, doğmalarına, oxucularına dərin hüznlə başsağlığı verir, Allahdan rəhmət diləyirik!






Kateqoriya: Manşet / Kəlbəcər
Tarix: 16-06-2022 11:15
Baxış sayı: 2259
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını