Əsgər Riyad Əliyarovun ölümü ilə bağlı Kəlbəcər Hərbi Prokurorluğunda araşdırma aparılır

14-06-2022 10:30


Azərbaycan Respublikası Müdafiə Nazirliyinin N saylı hərbi hissəsinin  hərbi qulluqçusu, əsgər Əliyarov Riyad Məmməd oğlunun 13 iyun 2022-ci il tarixdə Kəlbəcər rayonu ərazisində elektrik cərəyanının vurması nəticəsində ölməsi barədə Kəlbəcər Hərbi Prokurorluğuna daxil olmuş məlumat əsasında  əməkdaşlar tərəfindən hadisə yerinə və meyitə baxış keçirilmiş, iş üçün əhəmiyyət kəsb edən predmetlər maddi sübut kimi götürülmüş, izahatlar alınmış, müvafiq ekspertizalar təyin edilmiş və digər zəruri hərəkətlər icra edilmişdir.

Bu barədə Respublika Hərbi Prokurorluğunun mətbuat xidmətindən Dalidag.az-a  daxil olan məlumatda bildirilir ki, fakt üzrə Kəlbəcər Hərbi Prokurorluğunda araşdırma davam etdirilir  və qanunvericiliyin  tələblərinə uyğun olaraq bütün tədbirlərin  görülməsi, o cümlədən fakta hüquqi qiymət verilməsi təmin olunacaqdır. Hərbi Prokurorluğun rəhbərliyi səbəbindən asılı olmayaraq  istənilən ölüm faktının araşdırılmasını nəzarətə götürür və hərtərəfli, tam və obyektiv araşdırma aparılması təmin olunur.


Kateqoriya: Manşet / Kəlbəcər
Tarix: 14-06-2022 10:30
Baxış sayı: 336
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını