Ermənilər köməksiz insanları mağarada güllələdilər - Başlıbel soyqırımının şahidləri - VİDEO

18-04-2022 12:07



Ermənilərin xalqımıza qarşı törətdiyi amansız hərbi cinayətlərdən biri də 1993-cü ilin aprelində Kəlbəcərin Başlıbel kəndində baş verib. İşğal zamanı kəndin bütün yol keçidləri və cığırlarının ermənilər tərəfindən bağlanması 62 nəfər sakinin dağlarda gizlənməyə məcbur edir.
Lakin həmin şəxslər cəmi 17 gün gizlənə biliblər. Onlar həmin günlər ərzində yalnız çay suları və təbii bitkilərlə qidalanmağa məcbur olurlar. 1993-cü il aprelin 18-də erməni quldurları qadın, uşaq və yaşlıların gizləndiyi mağaranı aşkarlayıb. Terror aktının növbəti hissəsini həyata keçirirlər. Başlıbelin işğalı zamanı erməni quldurları tərəfindən 27 nəfər dinc və silahsız sakin güllələnərək qətlə yetirilib.

Dalidag.az bildirir ki, trend-in Qarabağ bürosunun çəkiliş qrupu işğaldan azad edilmiş Kəlbəcər rayonunun Başlıbel kəndində olub, faciə baş verən əraziyə baş çəkib, soyqırımdan təsadüf nəticəsində sağ qalan şahidlərin dəhşətli xatirələrini lentə alıb.
Başlıbel soyqırımının şahidi Mahir Cəfərov Trend Tv-yə bildirib ki, ermənilər kəndi işğal edərkən kənd sakini Hüseyn Hüseynovu diri-diri yandırıb, Qənaət Ağayevi isə işgəncə ilə qətlə yetirib. Ümumilikdə 19 nəfər kənd sakini Ermənistan hərbçiləri tərəfindən girov götürülüb. Düşmən gülləsindən canını qurtara bilən 30 nəfər isə yenidən dağlara çəkilib və daha 113 gün mühasirə həyatı yaşayıb. Sağ qalan həmin şəxslər dəfələrlə ölümlə üz-üzə gəlib və günlərlə ac-susuz qalıblar. Mühasirədən çıxaraq dörd sutka piyada yol qət edən 29 nəfər 1993-cü il iyulun 22-də Daşkəsən ərazisinə keçə biliblər.








Kateqoriya: Manşet / Kəlbəcər
Tarix: 18-04-2022 12:07
Baxış sayı: 3166
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını