Dalidag.az xəbər verir ki, tədbir iştirakçıları əvvəlcə II Fəxri Xiyabanı ziyarət edərək vətən uğrunda canlarını qurban verən şəhidlərimizin  məzarlarını ziyarət edib. Sonra Hərbi Qənimətlər Parkında olan şəhid ataları parkla tanış olaraq 44 gün müddətində düşmən üzərində qazanılan qələbəni özündə əks etdirən düşmənə məxsusu döyüş vasitələri ilə tanış olublar.

    Tədbirdə iştirak edən Milli Məclisin deputatı Aqil Məmmədov,  YAP Kəlbəcər rayon Təşkilatı Gənclər Birliyinin sədri Hikmət Bağırov  bildirmişdirlər ki, bu tədbirin əsas məqsədi dövlətimizin başçısı cənab ilham Əliyevin tapşırığı ilə salınmış Hərbi Qənimətlər parkında əyani şəkildə şəhid atalarına göstərmək, onların qəhrəman övladları tərəfindən uzun illər istehkam quraraq möhkəmlənmiş, hər cür silah və texnika ilə silahlanmış amansız düşmənə qarşı vuruşaraq bu istehkamları, texnikaları darmadağın edərək xalqımıza qələbə sevincini bəxş etdiklərini bir daha diqqətlərinə çatdırmaq olmuşdu. İllər keçsə də xalqımız hər zaman şəhidlərimizin xatirəsini uca tutacaq və  bu qurulan park onların qəhrəmanlığının təbliğatçısı olacaqdır.

    “Qarabağ” ordenli şəhid mayor Azər Mikayılovun atası Əmrah Mikayılov şəhid ailəri adından çıxış edərək bildirib ki, parkla tanış  olarkən onlar övladları ilə daha da qürür duyublar, düşmənə necə bir sarsıdıcı zərbə vurulduğunun şahidi olublar. Onlara göstərilən  yüksək hörmət və ehtirama görə şəhid ailələri adından cənab prezident İlham Əliyevə və Mehriban xanım Əliyevaya öz minnətdarlıqlarını bildiriblər.