Xəbər verdiyimiz kimi, bir müddət əvvəl 6 ildən çox erməni girovluğunda saxlanılan Dilqəm Əsgərovun, Şahbaz Quliyevin, eləcə də, bir çox əsir və girovların azadlığı təmin olundu. Dekabr ayının 14-də əsir və girovlar təyyarə ilə Bakıya gətirildi.
Dalidag.az xəbər verir ki, pandemiya ilə əlaqədar karantinə alınan D.Əsgərov artıq evə buraxılıb. Bu barədə onun oğlu Kürdoğlu Əsgərov məlumat verib və sosial şəbəkədə faktı təsdiqləyən şəkil paylaşıb.
Qeyd edək ki, Dilqəm Əsgərov və Şahbaz Quliyev 2014- cü il iyun ayının 11-də Kəlbəcər rayonunda öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülmüşdü. İşğal altındakı Dağlıq Qarabağda hər iki soydaşımız üzərində qanunsuz "məhkəmə" qurulmuş, qərara əsasən D.Əsgərov ömürlük, Ş.Quliyev isə 22 il müddətinə azadlıqdan məhrum edilmə cəzasına məhkum olunmuşdu.

Dalidag.az