Erməni cütlüyün Kəlbəcər rayonunda yerləşən Xudavəng kilsəsində ( red: ermənilər Dadivank deyir) nikaha girdikləri ilə bağlı sosial mediada iddialı paylaşım edilib.
Dalidag.az xəbər verir ki, bu barədə Ermənistana məxsus "Telegram" kanalı məlumat yayıb.
Bildirilib ki, guya Ağdərədən İrina Qabrielyan və Xankəndindən olan Aram Berdyan bu gün Xudavəngdə evləniblər. Onlar hətta "monastır"ı "qoruduqlarına" və baş verənlərdən sonra bu müqəddəs məkanda evlənmək şanslarına sahib olduqlarına görə sülhməramlılara təşəkkür ediblər.
Reallığa gəlincə, paylaşılan fotonun yeni olması şübhə doğurur. Çünki şəkildə bəylə gəlinin geyimi Kəlbəcərin hazırkı iqliminə uyğun deyil və daha çox payızda çəkilmiş foto təsiri bağışlayır.
Qeyd edək ki, Azərbaycan, Rusiya Prezidentləri və Ermənistan baş nazirinin imzaladığı üçtərəfli Bəyanata əsasən Azərbaycan Ordusunun bölmələri noyabrın 25-də Kəlbəcər rayonuna daxil olub.publika.az

Dalidag.az