“Türk ordusu Kəlbəcərdə yerləşdikdən sonra...” – Bölgədə tarazlıq dəyişir

18-11-2020 22:16
“Türk ordusu Kəlbəcərdə yerləşdikdən sonra...” – Bölgədə tarazlıq dəyişir

“Fransa Prezidenti Makron rusiyalı həmkarı Putinlə telefon danışığında danışıqların yenidən Minsk Qrupu çərçivəsində bərpasının vacibliyini dilə gətirdi. ABŞ Dövlət katibi Pompeo da, Makrondan əvvəl bu məsələyə diqqət çəkdi. Hesab edirəm ki, Pompeo və Makronun nə istəyindən asılı olmayaraq, Azərbaycan üçün Minsk Qrupu artıq bitib”.

Dalidag.az xəbər verir ki, bunu politoloq Məhəmməd Əsədullazadə söyləyib.

Onun sözlərinə görə, bu format təkcə Ermənistan və Fransaya lazımdır ki, Türkiyəni prosesdən uzaqlaşdırsın və Qarabağın onların nəzarətində olan “idarəetmə” forması yaratsınlar:

“ABŞ-a gəldikdə, Minsk Qrupunun yenidən aktiv fazaya keçməsi Vaşinqtona ona görə lazımdır ki, Rusiyanın prosesə təsir imkanlarını zəiflətsin. Məhz həmin üç həmsədr ölkə bu kimi maraqlarına görə, 30 il ərzində münaqişəni həll etmədi. Hazırda da çalışırlar ki, proses öz maraqları istiqamətinə yönəlsin. Buna görə də, yenidən bu formata qayıtmaq planından danışırlar. Hesab edirəm ki, Azərbaycan qəti şəkildə Minsk Qrupu çərçivəsinə qayıtmamalı, bundan birdəfəlik imtina etməlidir. Aşkar şəkildə işğalçının xeyrinə çalışan bu format bizim maraqlarımıza uyğun deyil.
“Türk ordusu Kəlbəcərdə yerləşdikdən sonra...” – Bölgədə tarazlıq dəyişir

Prezident İlham Əliyev də, növbəti dəfə Dağlıq Qarabağa statusun verilməyəcəyini elan etdi. Bu ayın sonuna kimi üç rayon – Ağdam, Kəlbəcər və Laçın Azərbaycana qaytarıldıqdan sonra Xankəndidəki separatçıların rəhbəri Arayik Arutyunyanın mövcudluğuna son verimlidir. Artıq prosesdə Ankara-Moskva-Bakı formatı işləyir”.

Məhəmməd Əsədullazadə bildirib ki, Rusiya və Türkiyə arasında Birgə Monitorinq Mərkəzi yaradıldıqdan sonra atəşkəsə birlikdə nəzarət ediləcək:

“Hazırda Ermənistan silahlı birləşmələri anlaşmaya uyğun olaraq, ərazilərdən çıxarılır. Amma hələ də, Qarabağın müəyyən hissələrində erməni silahlı birləşmələri qalır. Onlar da tam çıxarılmalıdır. İmza atılan üçtərəfli bəyannamədə də bütün erməni hərbi biləşmələrin Azərbaycan ərazilərindən çıxarılması qeyd edilir.

Türkiyə Silahlı Qüvvələri Şuşa, Hadrut və Kəlbəcərdə yerləşdikdən sonra proseslər tam fərqli olacaq. Yəni hazırda Xankəndidə davam edən proses kimi olmayacaq. Çox fərqli proseslərin şahidi ola bilərik”.teleqraf.com

Dalidag.az


Kateqoriya: Manşet
Tarix: 18-11-2020 22:16
Baxış sayı: 326
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını