"Fransanın tutduğu birtərəfli mövqeyə görə, bu dövlətin Həmsədrliyindən imtina edib, Türkiyə dövləti ilə əvəz olunmasını tələb edəsiniz"

Dalidag.az "Kəlbəcərə Qayıdış" İctimai Birliyinin Prezident, Ali Baş Komandan İlham Əliyev сənablarına MÜRACİƏTİNİ təqdim edir:
"Cənab Prezident, ATƏT-in Minsk qrupu həmsədrlərinin fəaliyyətsizliyi ucbatından ölkəmizin öz ərazi bütövlüyü uğrunda başlatdığı haqlı vətən müharibəsi bir daha bu təşkilatın yarandığı 28 il ərzində Azərbaycanın ərazi bütövlüyünün bərpası uğrunda heç bir əsaslı iş görə bilməməsini sübut etdi. Bütün bunlar bir daha əsas verir ki, Siz Ali kürsüdən ATƏT-in Minsk qrupunun həmsədrlərinin dəyişdirilməsi məsələsini qaldırasınız. Xüsusi ilə də Fransa dövlətinin açıq şəkildə tutduğu birtərəfli mövqeyinə görə, bu dövlətin Həmsədrliyindən imtina edib, Türkiyə dövləti ilə əvəz olunmasını tələb edəsiniz.
Cənab Ali Baş Komandan, "Kəlbəcərə Qayıdış" İctimai Birliyi bütün kəlbəcərlilərlə birgə Azərbaycanımızın ərazi bütövlüyü uğrunda apardığınız şərəfli mübarizədə sizin və dövlətimizin yanındadır",-deyə, müraciətdə vurğulanır.