Azərbaycan-Ermənistan dövlət sərhəddinin Tovuz rayonu istiqamətində düşmənin hərbi qüvvələri tərəfindən törədilən qanlı təxribatla əlaqədar vətəndaşlarımız öz narahatçılıqlarını bildirməklə yanaşı, hər kəsdə ruh yüksəkliyi hiss olunur, ordumuza dəstək nümayiş etdirilir.  

Dalidag.az kəlbəcərli məktəb direktoru Saməddin Məmmədovun Ali Baş Komandan, Prezident İlham Əliyevə müraciətini təqdim edir:

"CƏNAB ALİ BAŞ KOMANDAN!
Mən, Məmmədov Saməddin Əhəd oğlu 1976-cı ildə Kəlbəcər rayonunun Başlıbel kəndində anadan olmuşam. Hazırda Kəlbəcər rayonu 46 saylı ümumi orta məktəbin direktoru vəzifəsində çalışıram. Azərbaycan ordusu sıralarından baş çavuş rütbəsi ilə təxris olunmuşam. Döyüş bölgəsində olan vəziyyət bütün vətənsevərlər kimi məni də hiddətləndirir. Şəhidlərimizin qanı yerdə qalmır və qalmıyacaq. Xahiş edirəm məni döyüş gedən zonadaki hərbi birliklərin sırasına xidmətə qəbul edəsiniz. Vətən uğrunda hər an ölməyə və öldürməyə hazıram!!!"

Dalidag.az