Yeni Azərbaycan Partiyası Kəlbəcər rayon təşkilatının sədri Həbib Misirov Şərqi Zəngəzur Regional Təhsil İdarəsi Kəlbəcər rayon sektorunun Bərdə rayonunun Zümürxan kəndində fəaliyyət göstərən Kəlbəcər rayon 80 nömrəli tam orta ümumtəhsil məktəbin müəllimi, Yeni Azərbaycan Partiyasının fəal üzvü  Oqtay Sadıq oğlu Salah­ovun 65 illik yubileyi münasibətilə səmimi-qəlbdən təbrik edib, ona Allahdan möhkəm can sağlığı və xoş günlər arzulayıb.
   Qeyd olunub ki, Oqtay müəllim uzun illik pedaqoji fəaliyyəti dövründə təhsilimizin inkişafına, gənc nəslin savadlı, vətənpərvər və milli-mənəvi dəyərlər ruhunda formalaşmasına böyük töhfələr verən qocaman pedaqoqlardandır. Onun fədakar əməyi, peşəkarlığı və müəllim adına sədaqəti hər zaman hörmət və ehtiramla qarşılanır. Eyni zamanda, Oqtay Salahlı Yeni Azərbaycan Partiyasının fəal üzvü kimi partiyanın fəaliyyətində yaxından iştirak edərək, ölkəmizin ictimai-siyasi həyatında səmərəli xidmətləri ilə seçilir.