Elnur Vaqif oğlu Çıraqov Sosial Tədqiqatlar Mərkəzinin (STM) İdarə Heyətinin üzvü təyin edilib.
Dalidag.az xəbər verir ki, bununla bağlı Prezidenti İlham Əliyev sərəncam imzalayıb.
Sərəncama əsasən, Elnur Çıraqov STM-in idarə heyətinin üzvü təyin olunub.
Qeyd edək ki, müxtəlif analitik təhlillərin, elmi araşdırmaların və məqalələrin müəllifi olan Elnur Çıraqov əslən Kəlbəcərdəndir. O 1987-ci ildə Kəlbəcər rayonunda anadan olub. 2006-2010-cu illərdə Azərbaycan Dövlət İqtisad Universitetində inzibati idarəetmə istiqamətində bakalavr təhsili alıb. Daha sonra Türkiyədə Ankara Universitetinin Sosial Elmlər İnstitutunda magistratura, Türkiyə və Orta Şərq Dövlət İdarəçilik İnstitutunda isə doktorantura təhsilini başa vurub.
E.Çıraqov 2015-2019-cu illərdə Ekologiya və Təbii Sərvətlər Nazirliyində çalışıb. 2019-cu ildən etibarən Sosial Tədqiqatlar Mərkəzində Sosial-iqtisadi təhlil departamentində aparıcı məsləhətçi, 2022-ci ilin fevral ayından baş məsləhətçi, 2022-ci ilin iyul ayından isə İctimai rəyin öyrənilməsi departamentinin müdiri vəzifələrində fəaliyyət göstərib.

Dalidag.az