Bakı şəhərində kəlbəcərli seçicilərlə növbəti görüş keçirildi - ŞƏKİLLƏR -ŞƏKİLLƏR

04-02-2024 18:57
2024-cü il fevralın 7-də ölkəmizdə keçiriləcək növbədənkənar prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində fevralın 3-də Bakı şəhərində yaşayan Kəlbəcərli sakinlərlə növbəti görüş keçirilib.

Dalidag.az-ın məlumatına görə, görüşdə Millət vəkili Aqil Məmmədov, YAP Kəlbəcər rayon Təşkilatının sədri Həbib Misirov, YAP Veteranlar şurasının üzvü Şahlar Əsgərov, Təbliğat-təşviqat qrupun üzvü Adil Cəmil, Aqil Əsədov, Muğan Salahov, Qorxmaz Tofiqoğlu, Ədalət Dəlidağlı, Kəlbəcərli ziyalılar, Şəhid ailələri, qazilər və Kəlbəcərli sakinlər iştirak ediblər.
İlk öncə Azərbaycan Respublikasının Dövlət Himni səsləndirilib, xalqımızın Ümummilli Lideri Heydər Əliyevin və şəhidlərimizin əziz xatirəsi bir dəqiqəlik sükutla yad edilib.  Daha sonra cənab prezident İlham Əliyevin 20 illik fəaliyyətindən bəhs edən videoçarxa baxış keçirilib.
Görüşdə ziyalılar Prezident İlham Əliyevin rəhbərliyi ilə son 20 ildə görülən işlərdən, Azərbaycanın böyük və şərəfli inkişaf yolu keçməsindən , möhtəşəm tarixi zəfərlər və uğurlarından, beynəlxalq aləmdə nüfuzunun yüksəlməsindən, ölkəmizin dünyada strateji əhəmiyyətinin artmasından geniş və ətraflı çıxışlar ediblər.
Çıxış eden natiqlər tədbirdə iştirak edən hər bir kəsi prezident seçkilərində fəal iştirak etməyə və  Azərbaycan dövlətinin suverenliyini pərpa edən, parlaq gələcəyə səs verməyə dəvət ediblər.
Seçicilər vurğulayıblar ki, fevralın 7-də mütəşəkkil formada öz səsvermə hüquqlarından istifadə edərək YAP-ın namizədi, qalib Liderimiz İlham Əliyevə səs verəcəklər.
Sonda Yeni Azərbaycan Partiyasının Himni səsləndirilib.

Dalidag.az



                                    






















Kateqoriya: Kəlbəcər
Tarix: 04-02-2024 18:57
Baxış sayı: 292
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını