“20 Yanvar” faciəsinin 34-cü ildönümünün qeyd olunması ilə bağlı Kəlbəcər rayon İcra Hakimiyyətinin başçısı Azər Qocayevin müvafiq tapşırığına əsasən Gəncə şəhəri, 1500 ailəlik Yeni qəsəbədə yerləşən Şəhidlərin Abidə Kompleksi və ətrafı eləcədə Göygöl rayon Murovdağ qəsəbəsində yerləşən Şəhidlər Xiyabanı, şəhid məzarlıqları və şəkil lövhələrinin ətrafı təmizlənmiş və abadlıq işləri aparılıb.
Abadlıq işləri aparılan zaman Kompleksin ətrafı eləcə də Murovdağ şəhidlər xiyabanındakı məzarların ətrafı qurumuş otlardan təmizlənib, məişət tullantıları yığılaraq ərazidən kənarlaşdırılıb. Gün ərzində davam edən iməcilik zamanı məzarlıq ərazisində olan ağac və gül kollarına aqrotexniki qulluq göstərilib.
Onu da qeyd edək ki, Vətən müharibəsi şəhidlərinin abidə kompleksinin, şəhid məzarlıqlarının eləcə də lövhələrinin ətrafında təmizlik işlərinin aparılması bundan sonra da mütəmadi olaraq davam etdiriləcəkdir.

Dalidag.az